又到咗同屋企人旅行時間！
呢三年我曾經同文媽遊歐洲(跟團+stay behind自由行)，同文爸遊福岡九州(自由行)，全家遊東京X2(包括今次都係自由行)。
其實一畢業出嚟做野嗰十年真係眨吓眼都無咁快，早出晚歸為事業搏殺又掛住拍拖根本就好少一家團聚，好快再去下一個畫面就已經係父母退休開始老邁嘅樣子。所謂家家有本難念的經，其實自己家兒時都曾經發生過小事端，細個嘅時候都曾經將問題歸咎父母充滿怨氣，直至有一個學姐睇唔過眼同我講，唔好用你嘅過去成為你嘅擋箭牌，成為你去傷害身邊嘅人嘅藉口...我頓時被當頭棒喝醒lun咗。所以而家無論點我都會為父母埋單，唔係因為儒家孝道嗰啲盲木老土野，而係我覺得要珍惜呢種緣份。我想講嘅係唔好嘗試去放大身邊嘅人做錯過嘅事或者缺點，有啲嘢過咗去就過咗去要學懂放手，擁有原諒同包容嘅胸懷先至能夠令你真正成為一個大人。而且就算有人對你衰(只係比喻)，你點樣對返人其實係你嘅選擇，每一個決定其實你都有得揀唔係excuse。
坦白講，同父母去旅行都幾攰架！要令自己成係GPS，旅遊天書，bellboy同褓母多重身份，兩位太子出國遊玩先會開開心心。基本上我三分之二都係plan咗父母想去嘅行程，大概九點到佢哋返酒店沖涼休息我自己先再出去行一兩個圈做下自己野。
雖然同父母去旅行身心疲累間中又會有拗撬，但係每次去完旅行之後見到佢哋同啲親戚講返上次同個女去旅行乜乜乜...都真係乜都gur晒嘅。
#女人像鹽 #攰到影相都合埋眼 #同父母去旅行 #你自己計吓其實仲有幾多次去啊
Search